Ka 3rd Division ka East Jaiñtia Hills District Football Association (EJHDFA) da pteiñ biang ynne deiwa sdang ya ka Round of 16 heiwa da pynman ar tylli ki yalehke.
Ha ka yalehke wa nyngkong, ka SWO Moosianglamare Old da jop ko yaka Ryntihlang Brichyrnot SC da 3-1.
Yaka Moosianglamare Old da thap kool da u Samkhih Rymbai lyngba ka Penalty haka minit wa 58, u Meshwa Lapasam haka minit wa 69 wa u Deilang Syrti haka minit wa 81.
Yaka Brichyrnot da thap da u Guiding War haka minit wa 27.
Ha ka yalehke wa ar, ka Lakadong Ummat SC da jop ko yaka Lama Youth SSC da 3-0 da ki kool wa thap u Pormi Sumer haka minit wa 37, u Pynbha Suchen haka minit wa 49 wa u Ebormi Lyngdoh haka minit wa 71.
Lyngba ini jop, ka SWO Moosianglamare Old waka Lakadong Ummat SC da yoh ki u psiah cha ka Quater Final yong ka 3rd Division ka EJHDFA.
Ki yalehke wa bood daw pynman ha kani ka 7 tarik hapyrdi ka Mookympad SC waka Tuberchohchrieh SC heipor 10:30 i step wei daw pynbood da ka Moosianglamare New waka Wahsanphaw SC Sohkymphor heipor 12:30 i sngi.
Discussion about this post