Ka 3rd Division ka East Jaiñtia Hills District Football Association (EJHDFA) da pteiñ biang ynne deiwa pyndep ya ki Quarter Final kiwa dang sah ar tylli.
Ha ka yalehke wa nyngkong, ka Khliehmyntriang SC da jop ko da 6-0 yaka Pynthorsale SC.
Ya kini ki kool da thap da u Raplangki Lyngdoh haka minit wa 35, u Bring Dkhar da yoh Hat-Trick u deiwa thap ha ka minit wa 38, 45 wa 71 wa ki ar kool na u Dao-shwa Siangshai uwa da thap ha ka minit wa 63 wa 67.
Ha ka yalehke wa bood, ka Rymbai Madanpynriang da jop ko da 1-0 yaka TSC Lummyrli da ka kool wa thap u Donaldo Dkhar haka minit wa 15.
Kamtæ ka Khliehmyntriang waka Rymbai Madanpynriang da yoh ki u psiah cha ka Semi Final wei da ku ki leh cha ka 2nd Division ka EJHDFA ha ka samoi wow wan.
Ki yakhun Semi Final daw pynman ha kani ka 19 tarik heipor 12:00 hapyrdi ka Moosianglamare Old waka Khliehmyntriang SC wei daw pynbood da ka Moosianglamare New waka Rymbai Madanpynriang SC heipor 2:30 i sngi.
Discussion about this post