3rd Division: Jop du ka Moodymmai, khlem em wa jop ha kiwi ki le tylli ki yalehke

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia Sports Association (WJDSA) da pteiñ biang ya ka ynne ka sngi da soo tylli ki yalehke.

Ha ka yalehke wa nyngkong, ka Moodymmai da jop ko yaka Saindur Mihmyntdu da 2-0 lyngba ki kool wa thap u Treimiki Passah haka minit wa 6 wa u Minikor Ryngkhlem haka minit wa 34.

Ka yalehke wa ar da kut ko da 0-0 hapyrdi ka Risingsun Mukhla waka Iooksi Youth Welfare.

Ka yalehke wa le leh da kut ko khlem em wa jop hapyrdi ka Lumsliarsliar waka Mookynphad Mihmyntdu da 2-2.

Ya ka Lumsliarsliar da thap da u Superor Ryngkhlem haka minit wa 31 wa u Dame Dkhar haka minit wa 59. Katwa ya ka Mookynphad Mihmyntdu da thap da u Wailad Shylla haka minit wa 36 wa u Slamon Rymbai haka minit wa 43.

Related posts

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Rah ka DERS FT yei naam Champion ka 4th Umsyngki Tournament ha Bataw deilang ka song poisa Rs.2 lak

February 16, 2026

Ka yalehke wa soo leh da kut khlem em wa jop hapyrdi ka Khliehshnong Ialong waka Chyrmang wah da 0-0.

Mynstep leh daw pynman biang soo tylli ki yalehke ki wow sdang da ka Salaroh waka Newhill heipor 10:30 i step. Ka Myrjai waka Mookaswan Dongneiñ heipor 12:00 waje pyrdi sngi. Ka Lumbhahdakha waka Riatsaliya Mihmyntdu heipor 1:30 i sngi. Ka Pamanik waka Moodop Royal heipor 3:00 waje i sngi.