3rd Division: Jop ka Lumchyrmang Mihmyntdu yaka Nangbah Pohchnong

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da kawi donhi ka yalehke.

Ka yalehke wa da pynman toh hapyrdi ka Nangbah Pohchnong waka Lumchyrmang Mihmyntdu wa da jop da ka Lumchyrmang Mihmyntdu da 2-0.

Ya ki kool da thap da u Yobiang Bamon haka minit wa 45 wa u Pynchngain Phawa haka minit wa 49.

Mynstep daw pynman le tylli ki yalehke kiwa daw sdang da ka Tympang Club waka Madan Kynsaw Mookyndeng heipor 10:30 i step, ka FAM waka Mookaswan Dongwah heipor 12:00 waje pyrdi sngi wei daw pynkut da ka Mukhla Umlangshor waka Da-I-Hi Mynsngat heipor 2:00 waje i sngi.