Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia Sports Association (WJDSA) da pteiñ biang ya ka ynne ka sngi da soo tylli ki yalehke.
Ha ka yalehke wa nyngkong, ka Lumkhangdong Kyndongtuber da jop ko yaka Luti Tuber Ialong da 2-1.
Ya ki kool ka Lumkhangdong Kyndongtuber da thap da u Damepaia Shylla haka minit wa 24 wa 56 katwa ya ka Luti Tuber Ialong da thap da u Leader Mulieh haka minit wa 42.
Ha ka yalehke wa ar, ka Nangbah Khloopano da jop ko yaka Lumpyrtuh Mihmyntdu da 2-1.
Ya ki kool ka Nangbah Khloopano da thap da u Teibor Lamare haka minit wa 23 wa 43 katwa ya ka Lumpyrtuh Mihmyntdu da thap da u Telme Rymbai haka minit wa 33.
Ha ka yalehke wa le, ka Madanthad Thadmuthlong da jop ko yaka Samaro da 4-0 da ki kool wa thap u Precious Tang haka minit wa 9,11 wa 13 wa u Manhok Suchiang haka minit wa 40.
Ha ka yalehke wa soo won, ka Mulang Ialong da jop ko yaka Royal Pole Mihmyntdu da 2-0 lyngba ki kool wa thap u Poisuk Dhar haka minit wa 58 wa u Dangaitlang Mulieh haka minit wa 67.
Mynstep leh daw pynman biang soo tylli ki yalehke ki wow sdang da ka Youth Social Welfare Pynthor waka Tpep-Pale heipor 10:30 i step. Ka Lumchyrmang Mihmyntdu waka SCSC Nonglatem heipor 12:00 waje pyrdi sngi. Ka Loompyrdi Iongpiah waka Da-I-Hi Mynsngat heipor 1:30 i sngi. Ka Nangbah Pohshnong waka Mukhla Umlangchor heipor 3:00 waje i sngi.
