Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.
Ha ka yalehke wa nyngkong, ka Luti Tuber Ialong da jop ko yaka Tpep Pale da 9-1.
Ya ki kool ka Luti Tuber Ialong da thap da u Phrangki Dhar haka minit wa 4, u Leader Mulieh haka minit wa 18 wa 45, u Fredrick Dhar haka minit wa 22, u Bankitbor Dhar haka minit wa 36 , 60, 68 wa 69 wa u Phawame Passah uwa da thap bakla cha ka liang yong oo hi haka minit wa 53.
Ya ka Tpep Pale da thap da u Ryngkat Dhar uwa da thap cha ka liang yong oo hi haka minit wa 66.
Ha ka yalehke wa ar da kut da 0-0 hapyrdi ka Moodymmai waka Lumsliarsliar.
Ki yalehke wa bood daw pteiñ ha ka 24 tarik da ar tylli kiwa daw sdang daka Mookyrdup waka Umshangiar heipor 10:30 i step wei pynbood won saka Sohmynting Dongnein waka Khliehmyntdu Neinchnong Mihmyntdu heipor 12:00 waje pyrdi sngi.
Discussion about this post