3rd Division: Jop ka Luti Tuber, Nonglatem wa Mulang

by Wyrta Staff

July 22, 2024

Reading Time: 3 mins read

Ka 4^th U Adelbert Laloo Memorial Trophy kawa tip leh kam ka 3^rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa ynru ynne deiwa pynman biang soo tylli ki yalehke.

Ha ka yalehke wa nyngkong, ka Luti Tuber Ialong da jop ko ya ka Loomiongkjam da 1-0 da ka kool wa thap da u Francis Pale ha ka minit wa 37.

Ha ka yalehke wa ar, ka SC SC Nonglatem da jop ko ya ka Dongnein Mokaswan da 2-0 da ki kool wa thap u P. Langshiang ha ka minit wa 65 wa u Obidien Pyrtuh ha ka minit wa 67.

Ka yalehke wa le da kut ko da 1-1 hapyrdi ka Phramer waka Khliehshnong Ialong. Ka Phramer da thap nyngkong ko ha ka minit wa 8 lyngba u Rashmiki Suchiang katwa ka Khliehchnong da su kylliang ko ha ka minit wa 20.

Ha ka yalehke wa soo, ka Mulang Ialong da jop ko ya ka Saindur Mihmyntdu da 2-0 da ki kool wa thap u Poisuk Dhar ha ka minit wa 55 wa u Richard Dhar ha ka minit wa 56.

Ki yalehke u pteiñ biang ki mynstep soo tylli kiwa man kamni:

Lumkhangdong Kyndong Tuber Vs Pateinki Sabah (11:00 AM)

Riat Saliya Mihmyntdu Vs Chyrmang Wah (12:30 PM)