Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa ar ynne deiwa pynman soo tylli ki yalehke.
Ha ka yalehke wa nyngkong, ka Mookymphad Mihmyntdu da jop ko ya ka Lum Sliarsliar da 2-0 da ki kool wa thap u Wailad Shylla haka minit wa 3 wa u Pyniohlad Papeng haka minit wa 37.
Ha ka yalehke wa ar, ka Myrjai da jop ko ya ka Dongnein Mookaswan da 1-0 da ka kool wa thap u Lamphrang Kyndait ha ka minit wa 68.
Ka yalehke wa le da kut ko da 1-1 hapyrdi ka Pasyih Cultural waka Lumpyrtuh Mihmyntdu heiwa ya ka Pasyih Cultural da thap da u D. Rymbai haka minit wa 36 katwa ya ka Lumpyrtuh Mihmyntdu da thap da u A. Rymbai haka minit wa 46.
Ka yalehke wa soo da kut ko da 0-0 hapyrdi ka Mookaswan Dongwah waka Katholic Youth Mihmyntdu.
Ki yalehke mynstep u pynman biang soo tylli kiwa man kamni:
Loompyrdi Iongpiah Vs Mulang Ialong (11:00 AM)
Nangbah Pohchnong Vs Dong Nein Sohmynting (12:30 PM)
Moodymmai Vs Mustem East (02:00 PM)
Pynthor Langtein Vs Madan Thadmuthlong (03:30 PM)
Discussion about this post