3rd Division: Jop ka Mulang, Madankynsaw waka Tympang Club

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da soo tylli ki yalehke.

Ka yalehke wa nyngkong da kut ko da 1-1 hapyrdi ka Nangbah Mooknor waka Luti Tuber Ialong heiwa ka Luti Tuber Ialong da thap nyngkong ko haka minit wa 37 lyngba u Ebormi Lhuid katwa ya ka Nangbah Mooknor da thap da u Ram Hinge haka minit wa 57.

ADVERTISEMENT

Ha ka yalehke wa ar won, ka Mulang Ialong da jop ko yaka Nangbah Khloopano da 2-0 lyngba ki kool wa thap u Tellme Mulieh haka minit wa 36 wa 58.

Ha ka yalehke wa le, ka Madankynsaw Mookyndeng da jop ko yaka Kseh Sylle Ialong da 4-1.

Ya ka Madankynsaw Mookyndeng da thap kool da u L. Passah haka minit wa 24, u D.C. Sayoo haka minit wa 27, u P. Lamare haka minit wa 59 wa u C. Suchiang haka minit wa 65. Katwa ya ka Kseh Sylle Ialong da thap da u Iah Dhar haka minit wa 20.

Related posts

Jop ka Kharkhana wa ka Ammutong ha ka 3rd Division, khlem em wa jop ha ka Super Division ka ASSA

October 20, 2026

Jop ka Larnai Lurshai ha ka Super Division, khlem em wa jop ha ka 1st Division ka TSA

October 20, 2026

Ha ka yalehke wa soo, ka Tympang Club da jop ko yaka FAM da 2-0 da ki kool wa thap u Niwanoo Lamare haka minit wa 49 wa u Dayoki Dkhar haka minit wa 70+3.

Ki yalehke u pteiñ ki ha ka 18 tarik deiwa chong sngi ha ka 17 tarik neidaw ka Behdieñkhlam Tuber.