3rd Division: Jop ka Newhill, Mookaswan, Myrjai waka Pammanik

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia Sports Association (WJDSA) da pteiñ biang ya ka ynne ka sngi da soo tylli ki yalehke.

Ha ka yalehke wa nyngkong, ka Newhill da jop ko yaka Khliehchnong Ialong da 3-0 lyngba ki kool wa thap u Hamedamanbha Thma haka minit wa 2, u Samson Swer haka minit wa 20 wa u Damehipaia Niangti ha ka minit wa 70+3.

Ha ka yalehke wa ar, ka Mookaswan Dongnein da jop ko yaka Salaroh da 1-0 da ka kool wa thap u June Shylla haka minit wa 14.

Ha ka yalehke wa le, ka Myrjai da jop ko yaka Chyrmang Wah da 1-0 da ka kool wa thap u Lamphrang Kyndait haka minit wa 7.

Related posts

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

District Cricket League: Jop ka Khliehtyrchi wa ka Goodwill Mupliang

March 14, 2026

Haka yalehke wa soo won ka Pammanik da jop ko yaka Riatsaliya Mihmyntdu da 2-1.

Ya ka Pammanik da thap da u Emlang Pakma haka minit wa 17 wa u Dami Talang haka minit wa 40 katwa ya ka Riatsaliya Mihmyntdu da thap da u Monlangki Chyrmang haka minit wa 6.

Ki yalehke mynstep u pynman biang soo tylli kiwa daw sdang da ka Moodop Royal waka Catholic Youth Mihmyntdu heipor 10:30 i step. Ka Sohmynting Dongnein waka Pateiñki Sabah heipor 12:00 waje pyrdi sngi. Ka Kseh Sylle Ialong waka F.A.M heipor 1:30 i sngi. Ka Khliehmyntdu Neinchnong Mihmyntdu waka Mookyrdup heipor 3:00 waje i sngi.