Ka 3rd Division Football Tournament ka West Jaiñtia District Sports Association (WJDSA) wa tip leh kam ka 3rd U Adelbert Laloo Memorial Trophy da pteiñ ya ka ynne ka sngi da le tylli biang ki yalehke.
Ha ka yalehke wa nyngkong, ka Sohmynting Dongnein da jop ko ya ka Umchangiar da 1-0 lyngba ka kool wa thap da u Wanmi Kyndait ha ka minit wa 46.
Ha ka yalehke wa ar, ka Khliehmyntdu Neinchnong Mihmyntdu da jop ko yaka Pateinki Sabah da 2-1.
Ya ka Khliehmyntdu Neinchnong Mihmyntdu da thap kool da u Arkini Chyrmang ha ka minit wa 21 wa u Bandaia I Ryngki ha ka minit wa 54 katwa ya ka Pateinki Sabah da thap da u Prayme Kyndait ha ka minit wa 11.
Ha ka yalehke wa le won, ka Lumkhangdong Kyndong Tuber da jop ko ya ka Nangbah Mooknor da 3-2.
Ya ka Lumkhangdong Kyndong Tuber da thap da u Damepaia Shylla ha ka minit wa 5 wa 37 wa u Fourki Chyrmang ha ka minit wa 28 katwa ya ka Nangbah Mooknor da thap da u Pynshngain Hinge ha ka minit wa 40 wa u Poimidanial Thubru ha ka minit wa 54.
Ki yalehke mynstep u pynman biang le tylli deiwa sdang da ka Luti Tuber Ialong waka Youth Social Welfare heipor 12:30 pyrdi sngi, ka Mulang Ialong waka Madan Thadmuthong heipor 2:00 waje i sngi wei daw pynkut da ka Lumpyrtuh Mihmyntdu waka Royal Pole Mihmyntdu heipor 3:30.
