Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa 15 deiwa pynman le tylli ki yalehke kiwa man leh ki yalehke wa khaddooh ka League Stage.
Ka yalehke wa nyngkong hapyrdi ka Umtyra YWSC waka Nongsning Youth SSC da kut ko da 0-0, kamtæ da pynman dei yachut Penalty heiwa ka Umtyra da jop ko da 3-1.
Ha ka yalehke wa ar, ka Tuber Shohshrieh SSC da jop ko da 4-1 ya ka Shymplong SCSC heiwa ya ka Tuber Shohshrieh da thap kool da u Kyntulang Shylla ha ka minit wa 5, u Precious Sutnga ha ka minit wa 36 (Own Goal), u Bahun Bang ha ka minit wa 53 wa u Lakhon Bang ha ka minit wa 74 katwa ya ka Shymplong da thap da u Elizer Syih ha ka minit wa 79.
Ha ka yalehke wa le, ka Dkhiah West SC da jop ko da 1-0 ya ka Wahsanphaw SCSC da ka kool wa thap u Neverming Kya ha ka minit wa 61.
Ki liang kiwa da yoh u psiah cha ka Round of 16 man ki kamni:
Ryntihlang SC Brichyrnot (Pool A)
Ratacherra CSC (Pool B)
Wapungskur SSWO (Pool C)
Umtyra YWSC (Pool D)
Khliehriat East YWSC (Pool E)
Nongthymme SC (Pool F)
Moopyniein SCSO (Pool G)
Tuber Kmaishnong CSC (Pool H)
Suchen Mulieh YWSC (Pool I)
Evergreen SC Ladwahwapung (Pool J)
Dkhiah West SC (Pool K)
Wapung Chnong SCSC (Pool L)
Moolang SC (Pool M)
Musniang Rim SC (Pool N)
Lumshnong YWSC (Pool O)
Lakadong Ummat SCC (Pool P)
Discussion about this post