Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia Sports Association (WJDSA) da pteiñ biang ya ka ynne ka sngi da soo tylli ki yalehke.
Ha ka yalehke wa nyngkong, ka Youth Social Welfare Pynthor dajop ko yaka Tpep-Pale da 3-1.
Ya ka Youth Social Welfare Pynthor da thap kool da u Chival Lipon haka minit wa 9 wa u Hynriew Ryngkhlem haka minit wa 15 wa 49 katwa yaka Tpep-Pale da thap da u Lamdame Sumer haka minit wa 69.
Ha ka yalehke wa ar da kut da 0-0 hapyrdi ka Lumchyrmang Mihmyntdu SCSC waka Nonglatem.
Ha ka yalehke wa le won, ka Da I Hi Mynsngad da jop ko yaka Loompyrdi Iongpiah da 2-0 da ki kool wa thap u Pyndap Pyrtuh haka minit wa 32 wa u Heltwiss Pyrtuh haka minit wa 37.
Ka yalehke wa soo won da kut ko da 1-1 hapyrdi ka Nangbah Pohchnong waka Mukhla Umlangshor.
Ya ka Nangbah Pohchnong da thap da u Lakhon Dhar haka minit wa 5 katwa yaka Mukhla Umlangshor da thap da u Treibha Sumer haka minit wa 70.
Ki yalehke mynstep u pynman biang soo tylli kiwa daw sdang da ka Moodymmai waka Saindur Mihmyntdu heipor 10:30 i step. Ka Risingsun Mukhla waka Iooksi Youth Welfare heipor 12:00 waje pyrdi sngi. Ka Lumsliarsliar waka Mookynphad Mihmyntdu heipor 1:30 i sngi. Ka Khliehshnong Ialong waka Chyrmang Wah heipor 3:00 waje i sngi.
