Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Arphaw-khynde ynne deiwa sdang ya ki yalehke Quarter Final ar tylli.
Ha ka yalehke wa nyngkong, ka Newhill da jop ko ya ka Riatsaliya Mihmyntdu da 2-0 da ki kool wa thap u Fabies Gatphoh ha ka minit wa 70 wa u Simeon Suchiang ha ka minit wa 80+2.
Ha ka yalehke wa ar, ka Lumpyrtuh Mihmyntdu da jop ko ya ka SCSC Nonglatem da 2-0 da ki kool wa thap u Arwan Rymbai ha ka minit wa 39 wa u Yooluti Pakma ha ka minit wa 46.
Ki yalehke Quarter u pteiñ biang mynstep heiwa ka Myrjai u yachem ko waka Pasyih Cultural heipor 12:30 i sngi wei daw pynbood da ka Mookaswan Dongwah waka Mulang Ialong heipor 2:30.
Discussion about this post