3rd Divison: Jop ka Madankynsaw wa ka Da-I-Hi

Ka 3rd Division Football Tournament ka West Jaiñtia District Sports Association (WJDSA) wa tip leh kam ka 3rd U Adelbert Laloo Memorial Trophy da pteiñ ya ka ynne ka sngi da le tylli biang ki yalehke.

Ha ka yalehke wa nyngkong, ka Madankynsaw Mookyndeng da jop ko ya ka Pasyih Youth Cultural da 2-1.

Ya ki kool ka Madankynsaw Mookyndeng da thap kool da u Dangri Phawa ha ka minit wa 18 wa 67 katwa ya ka Pasyih Youth Cultural da thap da u Ianeh Phawa haka minit wa 49.

Ha ka yalehke wa ar hapyrdi ka Mukhla Umlangshor waka Lumchyrmang Mihmyntdu da kut da 0-0.

Ha ka yalehke wa le won da jop suk ka Da-I-Hi SC yaka Nangbah Pohchnong da 6-1.

Related posts

Ka Khimusniang kam ka Champion thymme ka Super Division ka WJDSA

January 31, 2026

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Ya ki kool ka Da-I-Hi da thap da u Pyndap Pyrtuh haka minit wa 31 wa 52, u Pynskhem Mukhim haka minit wa 33, 37 wa 40 wa u Wanbok Dhar haka minit wa 48 katwa ya ka Nangbah Pohchnong da thap da u Riyo Dhar haka minit wa 12.

Ki yalehke u pteiñ ki ha ka 19 tarik da le tylli kiwa daw sdang da ka SCSC Nonglatem waka Loompyrdi Iongpiah heipor 12:30 i sngi, ka Pamanik waka Lumbahdakha heipor 2:20 waje i sngi wei daw pynkut daka Tpep-Pale waka Nangbah Mooknor heipor 3:30 i sngi.