Kiwa dang yoh COVID-19 da neh biang ki hapoh 200 ngut la ar sngi tangwa da boon biang ki ya kiwa dang chait hadien chi sngi ha Meghalaya heiwa ynne ka 19 tarik kiwa dang yoh da em ki 168 ngut, kiwa dang chait 148 ngut wa 5 ngut kiwa dang yap (4 ngut ki wym pu em yoh tika). Kiwa dang yap toh 3 ngut ha East Khasi Hills wa 2 ngut na West Jaiñtia Hills.
Na kiwa dang yoh kiwa boon dooh ha West Khasi Hills (71), East Khasi Hills (60), South West Khasi Hills (20) wa ha West Jaiñtia Hills (13) katwa ha ki 7 tylli ki District wa dang sah deiwa kheiñlang da em du 4 ngut kiwa dang yoh kitæ ka East Garo Hills (00), South Garo Hills (00), South West Garo Hills (00), West Garo Hills (00), East Jaiñtia Hills (01), North Garo Hills (01) wa ha Ri-Bhoi (02).
Ki District wa boon dooh kiwa dang chah ktah toh ha East Khasi Hills (837), West Khasi Hills (393), West Jaiñtia Hills (308) wa ha Ri-Bhoi (159).
Ki District wa duna dooh kiwa dang chah ktah toh ha South Garo Hills (02), North Garo Hills (08), South West Garo Hills (09), East Garo Hills (11) wa ha East Jaiñtia Hills (18).
Waroh kiwa da chait da em ki 95.88% kiwa em 76,223 ngut, kiwa dang chah ktah da em ki 2.37% kiwa em 1891 ngut, kiwa yap 1.73% kiwa em 1379 ngut, deilang dapoi 79,493 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 14,59,833 sien heiwa ynne ka sngi da e 330 sien wa kynthup ya ki HCW (01), ki FLW (03), kiwa 18 snem chaneiñ (297) wa kiwa 45 snem chaneiñ (29).
Waroh kiwa da yoh tika chisien da em ki 10,57,602 ngut wa 4,02,231 ngut kiwa da yoh arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
