Ha Mizoram ynne da em 22 ngut kiwa yoh COVID-19 kiwa 19 ngut ki chynrang wa 3 ngut ki kynthai, da pyntip ka laad pathai khubor sorkar ka Mizoram.
Na kini ki 22 ngut, 14 ngut toh kiwa na Aizawl District, 4 ngut na Siaha District wa 4 ngut na Lawngtlai District kiwa em 18-56 snem i rta.
Na 14 ngut kiwa na Aizawl District, 4 ngut toh ki chipai ka Assam Rifle kiwa em ha Zokhawsang waki 10 ngut ki bru ka National Disaster Response Force (NDRF) kiwa em ha Lungverh.
Kini waroh toh kiwa liwan na Delhi 6 ngut, UP 3 ngut, Manipur 2 ngut, Bihar 1, Punjab 1, J&K 1, Assam 6 ngut, Jharkhand 2 ngut .
Ynne da em leh 3 ngut kiwa chait kiwa 2 ngut na Khawzawl District wa uwi na Siaha District.
Ka Khawzawl District da man ko ka District wa 5 wa da lait na u COVID-19 katwa kiwi ki District toh ka Hnahthial, Saitual, Kolasib waka Serchhip.
Waroh kiwa da yoh COVID-19 ha Mizoram da em ki 186 ngut heiwa kiwa chait da em ki 133 ngut katwa kiwa dang em ya uni u khñiang da em ki 53 ngut.
Na kiwa da yoh ya uni u khñiang, 100 ngut toh ki chynrang wa 86 ngut ki kynthai.
