Heiyatoh wa i chah dat chah sympat ki bru paidbah ha ka 28 tarik u Naichiphaw hawa pynman ka FKJGP yei lai paidbah ha Shillong, neiliang u SP ka East Khasi Hills da pyntip u wa da yoh wow kem soo ngut ki bru.
Da pyntip wa hadien wa da tikna yei pyrtuid kini kiwa emkti da lai kynreh hei miet ka 2 tarik hadooh wa kylla tarik ha kiwa boon ki thaw ha East Khasi Hills wa ha Ri-Bhoi District heiwa da yoh wow kem ya soo ngut katwa kiwi da yoh ki wow yut.
Ya kini daw lai rah hakhmat ka yung bichaar wei kini toh ki Case wa da dep booh ha ka Laitumkhrah Police Station wa ha Shillong Sadar Police Station kiwa da pynngat ha ki kyndon IPC kiwa yatoh wa i dat wei pynmynsoo bru deilang waka aiñ Prevention of Damage to Public Property Act.
Neiliang won u Montri Rangbah, u Conrad Sangma da ong u wa dang em 5 ngut kiwa dang yoh u yut wei na kiwa lai paidbah da em du kattu katni kiwa emkti wow dat bru wei i thooh ya kini dang pteiñ i.
