Ka yung krehkaam u Superintendent of Fisheries, East Jaiñtia Hills District ynne da lehwarom ko ya ka National Fish Farmers’ Day ha yung krehkaam u Deputy Commissioner, Khliehriat. Ka National Fish Farmers’ Day da kynmoo ya ka man ka 10 tarik u Naiynñiaw wow lehkmen yei rukom psan dakha, iwa ye u wanrah ya i pynroi ya ki dakha, i kreh kiwa psan dakha, ki thaw wa thooh bniah wa kiwi kiwi.
Ha kani ka sngi da emlang u Deputy Commissioner ka District, u A. Baranwal, u Superintendent of Fisheries, u H. Kharbuki wa kiwi kiwa da wan chimbynta ha kani ka National Fish Farmers’ Day Meet-2023 ya kawa pynman da ka sorkar pyrdi ha Mahabalipuram, Tamil Nadu ya iwa da leh lyngba ka Webex Video Conferencing.
Kamwa 176 tylli ki Pradhan Mantri Matsya Sampada Yojana (PMMSY) Project ha ki 18 tylli ki jylla da wai paidbah u Montri ka chnat Fisheries, Animal Husbandry and Dairying ka sorkar India, u Parshottam Rupala hei emlang u Dr. Sanjeev Kumar Balyan, Montri Khynnah ka chnat Fisheries, Animal Husbandry and Dairying ka sorkar India, u Dr. L. Murugan wa kiwi kiwi.
Kam chibynta kani ka sngi, ha East Jaiñtia Hills District, ka thuk-thuk wa em thaw booh ya ka Ice Box wa 3 tylli ki kari le chaka wa emlang wa ki Ice Box da pynlait hapoh ka Pradhan Mantri Matsya Sampada Yojana (PMMSY) Scheme.
Kiwa yoh myntoi napoh ka District da em ki soo ngut hapoh kani ka PMMSY Scheme wei da e kti leh cha ki ya kini ki kari yow kit dakha wa kynthup deilang ya le tylli ki kari le chaka wa kawi ka thuk thuk.
