Kamwa 40 ngut ki bru da antaad da dooh ki yei mynsien nei oor khyndaw deilang wa i wan ka um iwa da jai ha chnong Meppadi, Mundakkai wa ha Chooral Malain hapoh ka Kerala iwa da jia ynne i step heipor kamwa 4:00 waje.
I oor khyndaw da sdang i ha Chooral Mala School wei da antaad wa kamwa 400 tylli ki manyung da sahkut ki heiwa da haap leh kawi ka yingkieñ wa lai cha kani ka chnong Chooral Mala wei da chah kit leh boon tylli ki kari.
Kini ki chnong toh kiwa em hapoh ka Wayanad District wei neiliang ki bor District da pyntip wa na kiwa yap da em iwi i khynnah wa dang chi snem.
Ini da jia i hadien wa joor u slap wei hadien wa hap u wai ki dwar ka Banasura Sagar Dam heiwa da pyntip cha ki paidbah wow man ki kiwa husiar khamtam kitu kiwa em hajan ka Dam kamjooh ha rood ki wah.
Ya kini ki dwar ka Dam da hap wow wai hadien wa ka um da tam ko da 773.50 Meter na iwa ye ko u ksoh.
Discussion about this post