Ka sorkar pyrdi hapoh ka FAME India (Faster Adoption and Manufacturing of Electric Vehicles in India) Scheme da mang poisa ko wow booh 2,636 ki Charging Stations ha ki 62 tylli ki sor ha ki 24 tylli ki jylla wa Union Territories yow pynchlur ya kiwa pynmih kari wa pynemkaam da i bor diñ (Electric Vehicle) yow pynmih boon kam kini ki jait kari da pyntip u Union Minister Prakash Javadekar.
Na waroh ki jylla, 317 tylli ki EV Charging Stations toh kiwa daw booh ha Maharashtra, 266 tylli ha Andhra Pradesh, 256 tylli ha Tamil Nadu, 228 tylli ha Gujarat, 205 tylli ha Rajasthan, 207 tylli ha Uttar Pradesh, 172 tylli ha Karnataka, 159 tylli ha Madhya Pradesh, 141 tylli ha West Bengal, 138 tylli ha Telangana, 131 tylli ha Kerala, 72 tylli ha Delhi, 70 tylli ha Chandigarh, 50 tylli ha Haryana, 40 tylli ha Meghalaya, 37 tylli ha Bihar, 29 tylli ha Sikkim, 25 tylli ha Jammu, Srinagar wa Chhattisgarh, 20 tylli ha Assam, 18 tylli ha Odisha wa mar 10 tylli ha Uttarakhand, Puducherry wa Himachal Pradesh.
Yaka poisa u pynlait du hadien wa da biang ki thaw wow booh yaki Charging Station wa i soi soskular wa ki wow ye u pynkrehkaam ya ini.
Na ki 2,636 tylli ki Charging Station, 1,633 toh kiwa tip kam ki Fast Charging Station katwa 1,003 tylli toh ki Slow Charging Stations.
Ki jylla hapoh ka thaaiñ mihsngi kiwa ym em yoh ya kini ki EV Charging Stattion toh ka Arunachal Pradesh, Nagaland, Manipur, Mizoram wa Tripura.
Discussion about this post