Ha jylla Meghalaya ynnin ka sngi da man ko kawi na ki sngi wa chit bha heiwa ha Ampati dapoi 40.3°Celsius tangwa ha ka 21 tarik won dapoi 42.1°Celsius wei ha ka 20 tarik won 40.5°Celsius katkam wa pyntip ka IMD, Meteorological Centre Shilong.
Ynnin ha Shillong i chit dapoi i 29.9 °Celsius katwa ha thaaiñ Umiam dapoi 34.4°Celsius.
Ha Sohra i chit dapoi i 33.1°Celsius, Nongstoin 31°Celsius katwa ha Mawkyrwat won 32°Celsius.
Katkam wa pyntip ka IMD, i chit ha Shillong da ku i da 6.4°Celsius na iwa jooh, ha Sohra da ku da 9°Celsius na iwa jooh katwa ha thaaiñ Umiam da ku da 6.1°Celsius na iwa jooh.
Ha thaaiñ Jaiñtia Hills ym em yoh yukheiñ na ka IMD tangwa kiwi ki laad e khubor da pyntip ki wa ha Jowai wa Khliehriat ynnin dapoi i chit 29°Celsius tangwa i rukom chit da sñiaw lakam 36°Celsius.
Chooh chooh da em leh kiwa chong chnong ka Nongpoh kiwa da ong ynnin dapoi i chit 40°Celsius cha ki katkam ki App wa pynyoo ha ki Phone ki.
Discussion about this post