Kiwa dang yoh COVID-19 ha Meghalaya kamwa da pynbna hadooh ynne i step ka 6 tarik da em ki 44 ngut, katwa kiwa chait da em ki 6 ngut.
Na ki 44 ngut kiwa dang yoh thymme, 10 ngut toh kiwa na East Khasi Hills kiwa kynthup ya 6 ngut ki bru paidbah, 3 ngut na ki chnat chipai wa 1 u pulit.
Ha West Garo Hills kiwa dang yoh thymme toh 14 ngut ki BSF. Ha West Jaiñtia Hills (1) bru paidbah, Ri Bhoi 19 ngut kiwa kynthup ya 15 ngut na ki chnat chipai wa 4 ngut ki bru paidbah.
Kiwa chait won da em 6 ngut kiwa waroh na East Khasi Hills heiwa 5 ngut toh ki bru paidbah wa 1 BSF.
Kiwa dang em COVID-19 ha ki District man ki kamni ha wah:
East Khasi Hills- 491 (BSF-187, ki bru paidbah 243, na kiwi ki chnat chipai-61)
West Khasi Hills-5
South West Khasi Hills-0
Ri Bhoi-70
West Jaiñtia Hills-17
East Jaiñtia Hills-17
West Garo Hills-29
South West Garo Hills-2
South Garo Hills-2
East Garo Hills-0
North Garo Hills-0
Waroh kiwa dang em ya uni u khñiang da poi ki 633 ngut, kiwa chait da em ki 345 ngut katwa kiwa yap 5 ngut, iwa da poi 983 ngut kiwa da dep yoh COVID-19 hapoh Meghalaya.
