Shillong: Ka Deputy Commissioner, East Khasi Hills District da pynmih hukum ko haka 14 tarik wa da chah wow wai 451 tylli ki dukan ha Iewduh ki wow wai noh nadooh 8:00 waje i step hadooh to 6:00 waje i miet katkam i pyrtuid wa da booh da u Acting Syiem ka Hima Mylliem.
U Syiem ka Hima Mylliem toh u pyntikna u wa bood kiwa dai dukan yaki kyndon ka chnat i chait i khiah. Da chna leh yaka Iewduh COVID-19 Management Committee ka wow pait yei pynlai ya kani ka yaw kawa yahkhmat da u Syiem ka Hima Mylliem, deiwa emlang waroh ki Montri u Syiem Mylliem, ki pulit ka Hima Mylliem, ki Enforcement ka Khasi Hills Autonomous District Council ki wow man ki kam ki dkhot, heiwai neiliang ka yung krehkaam ka DC daw mihkhmat da ki MCS deiwa em leh ki bru u SP wa u DM&HO.
Ki 451 tylli ki dukna hap bood ki thij yaki kyndon deiwa pyntikna wa bood yaka Social Distancing, ym hoi wow khynnia ki dukan wei kiwa leh pyrchah daw chah khang ka dukan wei daw chah pynchitom katkam ka aiñ.
