Man ka 31 tarik u Naisan da kynmoo ya ka kam ka World No Tobacco Day da ka thong wow e mynsien ya ka yaleh pyrchah yei pynmih wei pynemkaam duma ha iwon iwon i rukom yow pynyoo pyrthai leh yei ktah u duma wa ki jait kjut wa wanrah u.
Ka WHO da sdang ko ya ka pynkhih paidbah ha waroh ka pythai hajrong ini kam chibynta ka World No Tobacco Day 2021 hajrong ka phang “Commit to Quit”. Kawa da booh thong wow yarap u dam noh wow pynemkaam duma lyngba ki laad yarap ka juk stat wa katni (Digital Solutions).
Ka khlam COVID-19 da wanrah ko ya kiwa boon wow kwah u dam noh u pynemkaam duma tangwa u dam ym toh iwa suk neidaw wa katni leh em boon kiwa chon wa pynkhia yei im ki bru.
I yarap lada dam wow pynemkaam duma toh hapoh 20 minit wa dam u dih sikret, u klongsnam leh da tied u kamwa toh u tied u. Hapoh 12 kynta ka Carbon Monoxide hapoh i snam leh hiar ko cha ka kyrdan wa toh u em ko. Hapoh 2–12 tayaw, da pynmiat ko yei krehkaam ki snier. Hapoh 1–9 bnai, i ka’oh wa i duna la-ær da sdang duna i. Hapoh 5–15 snem, duna i laad wow yoh Stroke iwa da man kat utu uwa ym jooh em dih sikret. Hapoh 10 snem i laad wow yap na i Lung Cancer da hiar i da chiteiñ hawa nujor wa uwa dih sikret. Hapoh 15 snem, i laad wow yoh kjut klongsnam da duna i kam utu uwa ym em dih sikret.
I em kiwa pynemkaam duma dang boon ki katwa dang lai i por, kiwa katni da em nadooh ki thaw wa cha sor wa ki thaw wa palat sor kiwa kynthup ya chynrang wa kynthai kamjooh kiwa em ha ki rta wa boon kiwa da chah kdoh chah khoom hei pynemkaam duma.
Ha Meghalaya 53.7% ki chynrang, 9.5% ki kynthai wa 31.6% waroh kiwa da em 18 snem chaneiñ toh kiwa dih duma. 11.6% ki chynrang wa 29.1% ki kynthai wa 20.3% waroh kiwa em 18 snem chaneiñ toh kiwa baam duma. 59.8% ki chynrang wa 34.2% ki kynthai wa 47.0% waroh kiwa em 18 snem chaneiñ toh kiwa dih lane kiwa baam duma.
Ha India, ka East Khasi Hills District toh kawa em boon dooh kiwa yoh Cancer kiwa emyatoh wa u duma kiwa 70.4% ha ki chynrang wa 46.5% ha ki kynthai.
Ini pynyoo ko wa toh boon i pynemkaam duma wei i ktah leh toh iwa joor bha khamtam lada kiwa pynemkaam ym ye ki u dam noh.
Kamtæ da khut ya waroh wow wan ki chakhmat yow chim ya ka rai wow dam noh u pynemkaam duma hanla man i ym toh iwa suk tangwa ym em wa ye u khang lada em ka rai kut wa ki daw wa biang yow dam noh.
Kiwa emkaam yarap ye ki wow phone ha u Toll Free Tobacco Quitline: 1800-11-2356
Download ya ki Apps na Google Play Store: 1. QuitNow! Quit Smoking 2. Quit Genius – Best way to quit smoking and vaping.
Ka kyrwoh na ka National Tobacco Control Programme National Health Mission, Meghalaya.
