Ka chnat Home (Police) Department ka sorkar Meghalaya neidaw iwa jia ha chnong Mukroh, West Jaiñtia Hills ynne i step iwa ye wow wanrah yei thut hei suk i saaiñ ha West Jaiñtia Hills, East Jaiñtia Hills, East Khasi Hills, Ri-Bhoi, Eastern West Khasi Hills, Eastern West Khasi Hills wa South West Khasi Hills wei kamjooh i pynkrehkaam ya ka aiñ.
Ka sorkar da ong ko i suk i saaiñ ye wow pynthut lyngba ki WhatsApp wa ki rynsan Social Media kam ka Facebook, Twitter, YouTube wa kiwi kiwi deiwa pynpoor ya ki dur ki dar, ki khubor wa yei u ktah yei krehkaam ka aiñ.
Kamtæ nadooh 10:30 i step ka 22-11-22 ha ki 7 tylli ki District ka Meghalaya kitæ ka West Jaiñtia Hills, East Jaiñtia Hills, East Khasi Hills, Ri-Bhoi, Eastern West Khasi Hills, West Khasi Hills wa ha South West Khasi Hills daw pyddam ya ka Mobile Internet/Data Services yong waroh ki Mobile Network da 48 kynta iwa mut hadooh ka 24-11-22 heipor 10:30 i step.
