Kam chibynta ka Rozgar Mela kawa da pynman ynne ka sngi heiwa u Prime Minister, Narendra Modi da saam u palat 1 lak tylli ki chithi thung kreh lyngba ka Video Confrencing ha ki 47 tylli ki thaw wa da pynman ya kani ka jooh ka yalang.
Ha Shillong da saam ya ki chithi thung kreh da u Montri Khynnah ka sorkar pyrdi, u Dr. Subhas Sarkar haka yalang wa da pynman ha U Soso Tham Auditorium heiwa da em 48 ngut kiwa da yoh kreh ha kiwa boon ki thaw kam ha ka North Eastern Hill University, North Eastern Police Academy, Employees Provident Fund Organisation, NEEPCO, NEIGRIHMS waka Department of Posts.
U Dr. Subhas Sarkar da ong u wa da sdang ya kani ka Rozgar Mela deiwa booh thong yow thung kreh ya 10 lak ngut ki bru.
Kawi na kiwa yoh kreh toh ka Natasha Manners kawa na Meghalaya kawa da pynsñiaw yei sñiawngooh wei da pynchlur ko leh ya kiwi wow yaleh ki ya ki kreh ka sorkar pyrdi heiwa ka da yoh kreh ko ha NEIGRIHMS.
Discussion about this post