Ha jylla Assam, ynne ka sngi kiwa da yoh ya u COVID-19 da em ki 49 ngut iwa da pynbna da u montri i chait i khiah ka Assam u Himanta Biswa Sarma.
Nyngkong da em 2 ngut kiwa na Zonal Quarantine Centre ka Tezpur University heiwa uwi toh uwa na Dhakuakhana katwa uwi won toh uwa na Udalguri.
Hadien ini da em sa 2 ngut kiwa da pyntikna kiwa na Sivasagar kiwa leh Quarantine ha Jorhat
Da em won sa 2 ngut kiwa naka Silchar Quarantine Centre kiwa na Cachar wa na Hailakandi.
Sa 6 ngut won kiwa na Tezpur Quarantine Centre kiwa naka Sonitpur District.
Hadien ini da pynbna wa da em sa 8 ngut, uwi toh uwa chah sumaar chwa ha MMCH, uwi won uwa chah sumaar ha SMCH wa 6 ngut kiwa na Cachar kiwa dang liwan kiwa da em hapoh Quarantine.
Da pynbna won chisien pynbna yeiwa em 26 ngut kiwa yoh kiwa waroh na Sarusajai Quarantine Centre.
Khaddooh da pynbna wa da em sa 3 ngut kiwa dang yoh COVID-19 heiwa uwi toh uwa na Nagaon, uwi na Sivasagar wa na Tinuskia.
Wa kini waroh, ha Assam kiwa da chah ktah ha u COVID-19 da em ki 259 ngut, kiwa chait da em ki 54 ngut, kiwa dang chah ktah (Active) em ki 198 ngut, kiwa yap 4 ngut wa 3 ngut kiwa da mih napoh ka jylla.
Discussion about this post