U DHS(MI) ka jylla u Dr. Aman War da pyntip u wa hadooh ynne i sngi ka 26 tarik, kiwa dang yoh COVID-19 hapoh ka jylla da em ki 49 ngut wa 42 ngut kiwa chait.
Na ki 49 ngut kiwa dang yoh, 32 ngut toh kiwa na East Khasi Hills kiwa em 30 ngut ki bru paidbah wa 2 ngut ki bru chipai. Ha Ri Bhoi 1, ha East Garo Hills 9, West Garo Hills 7 (6 ngut ki bru chipai wa 1 bru paidbah).
Da pyntip u leh wa da duna kiwa dang em ya u COVID-19 ha Ri Bhoi deiwa mih liwan ki 17 ngut ki bru ki chipai kiwa wan Training chapoh ka jylla kiwa na Assam.
Kiwa dang chait ynne ka sngi toh 7 ngut na East Khasi Hills ki bru paidbah, 3 ngut ki bru paidbah na South West Garo Hills, West Garo Hills 32 (27 ngut ki bru chipai wa 5 ngut ki bru paidbah).
Ki bru paidbah kiwa dang yoh COVID-19 ha East Khasi Hills toh 1 wa chem lyngba Random Sampling ha Anjalee, 23 ngut ki High Risk Contact, 2 ngut wa yoh yaka Influenza Like Illness (ILI), 1 wa nyngkong kheiñ kam Low Risk namo wym ware hei maa, 1 wa chitom Severe Acute Respiratory Infections (SARI), 1 wa liwan na baar jylla, 1 wakreh Health Worker ha MATI Corona Care Centre.
Ha Ri Bhoi 1 toh wa chitom ILI wa chem hawa leh Screening ha Byrnihat, East Garo Hills 8 ngut kiwa chem da i Test paidbah ha Rongjeng Bazaar, 1 wa liwan na Maharashtra, West Garo Hills 1 wa chem deiwa Test paidbah ha Phulbari.
Heiyatoh won wa i Test piadbah namo ka Random Sampling ha Shillong ynne ka sngi- ha Mothphran da Test 23 ngut wei ym em chem ya kiwa yoh COVID-19, ha Police Bazaar da Test ya 87 ngut heiwa da chem ya 2 ngut kiwa yoh, ha Anjalee da Test ya 19 ngut wei da chem ya 3 ngut kiwa yoh katwa ha Khlieh Iewduh ym em wa wan cha khmat yow phah leh Test. U DHS da ong u wa boon wa chem kiwa yoh toh kiwa kit nong ym du ha Shillong kamjooh ha Shallang iwa ye wow man wa yachem ki wa ki bru wa wan na baar ka jylla hawa pynhiar wa pynkit tiar.
Kiwa dang em ya u COVID-19 ha ki District man ki kamni ha wah:
East Khasi Hills– 822 (Ki bru paidbah-535, ki chipai-287)
West Khasi Hills -43
Ri Bhoi- 78 (Ki bru paidbah-71, ki chipai-7)
West Jaiñtia Hills-3
East Jaiñtia Hills-12
West Garo Hills-172 (Chipai-102, ki bru paidbah-70)
South West Garo Hills-1
South Garo Hills-12 (Ki chipai-10, ki bru paidbah-2)
East Garo Hills-12
North Garo Hills-13
Waroh kiwa dang em ya uni u khñiang da em ki 1,168 ngut, kiwa chait 874 ngut, kiwa yap 8 ngut wa 17 ngut kiwa da mih napoh ka jylla.
Ki nongmuna (Sample) wa da dep phah Test da em ki 79126 tylli, kiwa man Negative da em 76645 tylli wei dang yang yaka Result ki 431 tylli.
Kiwa da liwan chapoh ka jylla da em ki 31,084 ngut.
