Ka Meghalaya High Court deiwa chimkhia da ka hi da yaleh ko da ka mukotduma PIL pyrchah ya ka sorkar Meghalaya heiyatoh wa kiwa yap heipor wa em ki ha kti ka aiñ (Custodial Deaths) nadooh u snem 2012 wei ya kani ka PIL da chong bichaar biang ha ka 1 tarik uni u bnai neidaw wa ka sorkar ym bien ko wow pynu ya ka bai lutsan cha kiwa ha-yung kiwa khlaad.
Ka yung bichaar da ong ko hap wow pait bniah wa lada ka poisa kawa da pynbna da ka sorkar u e u man ko kawa dap cha kiwa ha-yung ha-sem kiwa khlaad heipor wa em ha ki kti ka aiñ kiwa kiwa yap deiwa em i suba wei ymtoh wa yap neidaw wa kjut wa chitom næ wa da tymmen wei da toh i por yap.
Chooh chooh ka yung bichaar da ong ko wa da em 49 ngut kiwa yap namo ki Custodial Deaths nadooh u snem 2012 wei u bichaar yei emkti ki bor sorkar ha ini waroh wei ya ka poisa wa toh u su kawa T. 15 cha kini kiwa khlaad kawa da pynmih hukum da kani ka yung bichaar ha u snem 2017 ka wym pu em bood ka sorkar.
Ya kani ka mukotduma u chong bichaar biang ha ka 21 tarik uni u bnai.
Discussion about this post