Ka Higher Secondary School Leaving Certificate (HSSLC) Examination 2024 wa pynman da ka Meghalaya Board of School Education (MBOSE) da sdang yaka ynne ka sngi neibynta ka Arts, Science, Commerce wa Vocational heiwa ha waroh kawi ka jylla da em 34,335 ngut kiwa yaleh ha ki 108 tylli ki thaw thoh Exam.
Na ki 34,335 ngut, ki Regular toh 26,238 ngut, ki Private-I 2487 ngut, ki Private-II 58 ngut, ki Non-Regular-2111 ngut, ki Improvement 2574 ngut wa kiwa yaleh Compartmental 865 ngut.
Waroh ki thaw puræ Higher Secondary da em 428 tylli kiwa da phah ya ki khynnah cha kani ka Exam.
Kiwa yaleh yaleh Arts Stream da em ki waroh 28,072 ngut heiwa ki chynrang toh 10,856 ngut katwa ki kynthai won 17,216 ngut.
Ha ka Science Stream da em waroh 3812 ngut kiwa 1568 ngut ki chynrang wa 2244 ngut ki kynthai.
Ha ka Commerce Stream da em waroh 2440 ngut kiwa 1318 ngut ki chynrang wa 1122 ngut ki kynthai.
Ha ka Vocational Stream da em waroh 11 ngut kiwa 7 ngut ki chynrang wa 4 ngut ki kynthai.
Ki thaw thoh Exam ha West Jaiñtia Hills da em ki 8 tylli, kitæ ka Adventist Higher Secondary School, Thadlaskein kawa em 445 kiwa wan thoh exam, ha Govt. Boys’ Higher Secondary School, Jowai da em 311 ngut, ha KJP Synod Mihngi Higher Secondary School, Jowai da em 626 ngut, ha Kiang Nangbah Government College, Jowai da em 891 ngut, ha Nongtalang College da em 260 ngut, ha St. Dominic’s Higher Secondary School, Mowkyndeng da em 558 ngut, ha Thomas Jones Synod College, Jowai da em 782 ngut, ha North Liberty Higher Secondary School, Jowai da em 181 ngut.
Ha East Jaiñtia Hills da em ar tylli ki thaw thoh Exam kitæ ka Jaiñtia Eastern Higher Secondary School, Khliehriat wa em 281 ngut kiwa thoh Exam wa ha Khliehriat Higher Secondary School wa em 664 ngut.
Ini mut i wa ha West Jaiñtia Hills kiwa yaleh HSSLC da em ki 4054 ngut katwa ha East Jaiñtia Hills da em 945 ngut iwa dapoi waroh 4999 ngut.
Discussion about this post