Ynne ka sngi da pteiñ ya ka yalehke kam chibynta yong ka lympung Quarter Final ka 4th T20 Knock-Out Cricket Tournament wa da pynlai da ka Sports Social and Cultural Club Ummulong.
Ha ka yalehke Quarter Final wa nyngkong, ka Goodwill CC da jop ko ya ka Wahiajer CC da 25 Run heiwa ya ka kylla-khlem da jop da ka Goodwill wei da jied ko wow Bat nyngkong wei da ye ko u kamai 176/10 na ki 20 Over, heiwa uwa kamai Run boon dooh toh u Rejoice Gassah uwa da yoh 59 Run wa u Carefully Gassah 27 Run katwa neiliang kiwa kawang bol ka Wahiajer, u Medari Talang da yoh u 4 Wicket.
Hawa kdong ya ka thong, ka Wahiajer da poi ko 151 Run na ki 19.4 Over deiwa dooh lut waroh ki wicket, heiwa uwa kamai Run boon dooh toh u Hillel Susngi uwa yoh 33 Run, katwa na kiwa kawang bol ka Goodwill, u Oniwanker Sna wa u Byforcestar Dhar da yoh ki mar 2 Wicket.
Yei naam Man of the Match ha kani ka yalehke Quarter Final da yoh u Rejoice Gassah.
Discussion about this post