Jowai: Deiwa bood yaka hukum ka sorkar waki kyndon ka Ministry of Home Affairs, ka sorkar India Government of India. U Deputy Commissioner (Excise), West Jaiñtia Hills da pyntip u wa ki thaw dai kiad wa kynthup yaki Wine Shop wa Bonded Warehouse ha West Jaiñtia Hills District kiwa pynthymme yaka License yong ki neibynta u snem 2020-2021 da chah wow wai ki nadooh ka 11 tarik uni u bnai nadooh 10 waje i step hadooh 7 waje i miet nadooh Monday hadooh Friday.
U Deputy Commissioner da phah u ya waroh ki Wine Shop waki Bonded Warehouse wow bood ki thij yaki kyndon wa da booh daka Health & Family Welfare Department, Government of Meghalaya heiyatoh wa u COVID-19 wei u wai thij nadooh 10 waje i step hadooh 7 waje i miet.
Chooh chooh ki dukan dai kiad kamjooh kiwa wan thied toh u bood ki yaka Social Distancing deiwa yajngai ym duna 6 Feet wei ym toh u ya psiah khynnia ha iwi i dukan. U chah du 5 ngut ha i jooh i por hapoh ka wi ka dukan, yow lait nei khynnia, ki wakreh ki dukan dai kiad toh u pyntikna ki wow phah ya kiwa wan thied cha kiwi ki dukan dai kiad lada khynnia bru.
Ki dukan dai kiad toh u pynemkaam ki du ki wakreh wa emkaam donhi wei wow deiñ ki yaki Face Mask khlem pep. Toh u pynbiang leh yaki Hand Sanitizer ya kiwa wan thied kamjooh yaki wakreh heipor wa ya dai ya thied. Ki dukan dai kiad toh u krehlang ki waki bor District, ki wakreh Excise, pulit wa kiwi kiwi.
Ki Wine Store wa Bonded Warehouse kiwa da dep pynthymme yaka License neibynta u snem 2020-2021:
Bonded Warehouse:
OK Bonded- Jowai,
J.N Bonded- Pasyih Phra Mer,
V.F.R Bonded – Phra Mer
Wine Store:
Wine Mart, M.Laloo, Lato- Jowai.
M.Dhar wa Oni Lyngdoh- 8th Mile.
Damecha Tyngkan, Sajay Laloo, Eiladki Dkhar wa P.Dkhar – 7th Mile.
K.Papang wa H. Suchiang-Shangpung.
Ialip, P.T, wa I.Suchiang- Raliang,
Wandaeiti-Nongkynrih.
Tariang-Latangam.
Iohdeibha Suchiang wa A. Dkhar-Saphai Kympreng.
Rymbai-Khliehtyrshi.
Phalangki-Nartiang
Amlarem Sub Division:
Long Bareh-Amsyndui
Hetmut Dhar-Ambyrmon
Inmon Sumer-Krangpamtadong,
Pohshna-Amshipai,
Arjun Khonglah-Lyngar
Lyngdoh-Besan
John Buam wa Maya Pohlong-Muktapur
Kmenlang Suchen -Amsohmi
