Ka Vivekananda Coaching Center, Shillong kawa em ha Fire Brigade, Osisa Residence hajan ka Mizoram Baptist Church, Lumshohpoh da pyntip ko wa e ko 50% ka Discount neibynta ki khynnah wa wan na ki manyung wa dooh wa duk kiwa chong wa sah ha Meghalaya wei kani man ko ya ka Coaching ka JEE wa NEET (Full Course).
Yow yoh yeini daw hap wow yaleh ya ka All Meghalaya Scholarship heiwa kiwa poi chakhmat daw yoh ki ya ka 100% ka Scholarship wei kani ka Test leh man ko dei mynkna ya waroh kiwa kwah wow yaleh ka.
Ka Test toh kawa daw pynman nadooh ka 7 tarik hadooh ka 9 tarik u May 2026 heipor 11:00 waje i step hadooh 1:00 waje i sngi da ka Offline wei hap wan thoh ya ka Exam ha i thaw wa em kani ka Coaching Centre.
Neibynta ka JEE ki Subject toh PCM katwa ya ka NEET won da ka PCB heiwa ka Syllabus kani ka Test toh yong ka Class 11 wa Class 12 (NCERT).
Neiliang uwa pynlai ya kani ka Coaching Centre da ong u wa ha ki le snem wa da lai, da yoh 100% kiwa ye u pyndep ya ka JEE na kani ka Centre.
Da khana u leh wa da pynbiang ki kot ki sla puræ wei em leh kiwa sikai wa pliah bha najrong wa pynemkaam leh ki App yow pynman Test chirup ki OMR Test.
Kiwa sikai leh man ki uwi neibynta ki 15 ngut wei pynman leh ya ka Doubt Clearing Session yow pynche yei wym sñiawthooh.
Daw yoh leh ya ka 1 Year Free Subscription lyngba ka Digital Platform wa em palat sphah tylli ki Mock Test Series, ki Study Material wa kiwi de najrong wa yoh leh u pynemkaam ya ka Library dei mynkna.
Yow tip bniah ye u Phone ha kini ki Number: 985045213 wa 9863330232 wei ye leh u lai ha ka Website www.vivekanandacoaching.com.
Discussion about this post