Da: U Refil Sari, Mukhla Nongrim
Ka 21 tarik Duyatra toh ka sngi wa kyrpang,
Ya waroh kiwa chong chnong ka Meghalaya kynthai wa chynrang.
Ka sngi wa yoh ya ka jylla na ka sorkar India,
Kawa da yaleh laitlooid da ki longchwa manchwa.
Jylla Meghalaya wa em naam tam,
Ka jylla ka wym pu biang bha u pood u sam.
La 50 tylli ki snem wa da dep da lai,
Wa da yoh ya ka jylla wa pura hakhmat ka pyrthai.
Ka jylla wa yoh pateiñ na u ma u woh,
Da emlang chirup wei kyrkhu khyrdoh.
Kani toh ka ri umsnam u longchwa manchwa,
Ka jylla ri wa maya yong phi yong nga.
Meghalaya nangtia chaphrang,
I kyrmen da yang yow biang u pood u sam.
Waroh waroh wa ya angnood yeini,
Neibynta u pood u sam ka jylla yong i.
Khublei Golden Jubilee wa suk wa kmen ya waroh,
Ki Blai ki Syiem wow kyrkhu kyrdoh.
Ya ka Meghalaya u ya pynku chaphrang,
Dei ya krehlang waroh kynthai wa chynrang.
