Katkam ka yutip (Report) wa da yoh naka sorkar jylla wa nadooh ka 22 hadooh ka 26 tarik uni u bnai, ki chnong kiwa chah ktah ha i bor ka rymaw da em ki 51 tylli ha waroh kawi ka jylla.
Ki bru waroh kiwa da chah ktah da em ki 1282 ngut, wei hadooh ka 26 tarik kiwa da yap da em 13 ngut, kiwa dang wiar kiwa ym pu chem da em ki 6 ngut wa 9 ngut kiwa mynsoo.
Waroh won ki yung kiwa da chah ktah da em ki 39 tylli heiwa na kini, kiwa chah ktah malu mala da em ki 30 tylli, kiwa chah ktah waroh iwi da em ki 3 tylli katwa kiwa chah chawa palat da em ki 6 tylli.
Ki bru won kiwa da ye wow pynlait nei maa da em ki 78 ngut, da booh leh ki thaw sah wa chipor namo ki Relief Camp wa em 3 tylli heiwa kiwa sah ha kini da em ki 107 ngut kiwa da yoh leh yaki tiar ki tar yarap.
Ki thaw wa rep kiwa chah ktah da em ki 42 tylli katwa ki mrad wa yap da em ki 3 tylli.
Ki sarok won kiwa chah ktah toh u Riangdo-Bamil Road, PMGSY Road (Mawshynrut-Thaiem), Mawshynrut-Hahim Road, NH-44E, Bynther ha 47 km, Nongspung ha 9 km, Nongstoin-Rongjeng-Tura Road, NH-127 (B), ka yingkieñ Suspension Bridge hapoh Mairang Block. Da em leh ki Minor Irrigation Project kiwa chah ktah.
