Ka SSLC Exam 2023 wa da pynman da ka MBOSE, da sdang ko ynne ka sngi heiwa da em waroh 52,700 ngut kiwa yaleh wa kynthup ya ki Regular, ki Private, ki Non-Regular, Improvement wa Compartmental.
Ki chynrang waroh da em 22,495 ngut katwa ki kynthai won 30,205 ngut ha waroh kawi ka jylla.
Ha West Jaiñtia Hills waroh kawi da em 15 tylli ki thaw thoh Exam katwa ha East Jaiñtia Hills won da em 7 tylli.
Ha West Jaiñtia Hills ki thaw thoh Exam toh soo tylli ha Jowai wa ar tylli ha Ummulong wa mar kawi ha Nongtalang, Mookyndeng, Amlarem, Thangbuli, Shangpung, Mowkaiaw, Nangbah, Nartiang wa ha Sohkha heiwa waroh da em 3,164 ngut kiwa da em pyrtuid wow thoh Exam.
Ha East Jaiñtia Hills ki thaw thoh Exam toh ar tylli ha Khiehriat wa mar kawi ha Rymbai, Sutnga, Tuberkmai Shnong, Umkiang wa ha Chiehruphi wei wroh da em 2,096 ki wow thoh Exam hapoh ka District.
