Kiwa dang yoh COVID-19 ha Meghalaya hadooh ynne i step ka 21 tarik da em ki 55 ngut katwa kiwa dang chait da em ki 14 ngut.
Ka West Khasi Hills District kawa hadooh ynnin em ko 3 ngut kiwa yoh, da ku syndet deiwa em 17 ngut kiwa dang yoh hadien wa leh yaka Test paidbah ha yaw Shallang. Ha East Khasi Hills kiwa dang yoh toh 31 ngut (29 ngut ki bru paidbah wa na kiwi ki chnat chipai 2 ngut). Ha West Garo Hills 3 ngut ki BSF, Ri Bhoi-1 bru paidbah, West Jaiñtia Hills -1 bru paidbah wa ha East Garo Hills-2 ngut ki bru paidbah.
Kiwa dang chait toh 10 ngut na Ri Bhoi District (9 ngut ki bru chipai wa 1 bru paidbah), West Khasi Hills 2 ngut ki bru paidbah, West Garo Hills 1 bru paidbah wa ha West Jaiñtia Hills 1 bru paidbah.
Kiwa dang em COVID-19 ha ki District man ki kamni ha wah:
East Khasi Hills-602 (BSF-108, kiwi ki chnat chipai-119, ki bru paidbah-375)
West Khasi Hills-18
South West Khasi Hills-1
Ri Bhoi-92
West Jaiñtia Hills-5
East Jaiñtia Hills-8
West Garo Hills-221
South West Garo Hills-4
South Garo Hills-2
East Garo Hills-3
North Garo Hills-10
Kiwa dang em ya uni u khñiang da em ki 966 ngut, kiwa chait da em ki 744 ngut wa 6 ngut kiwa yap iwa da poi 1,716 ngut kiwa da dep yoh COVID-19 hapoh Meghalaya.
