Kam chibynta wa phah u montri rangbahdooh ka ri, u Narendra Modi wow pynboon yei em Oxygen ha ki thaw sumaar, ka PM CARES Fund da pdiang ko wow pynyait poisa wow chna hadooh 551 tylli ki karkhana Pressure Swing Adsorption (PSA) Medical Oxygen Generation Plants ha ki thaw sumaar paidbah ha kylleiñ ka ri.
U Modi da phah u wow pynkrehkaam noh wut-wut ya kini ki karkhana neibhah deiwa em ki daw ye wow pynboon i em Oxygen ha ki District.
Ya kini ki karkhana daw chna ha ki thaw wa jied ka sorkar ha ki jylla wei i thied ya ki mar toh lyngba ka Ministry of Health and Family Welfare.
Chwa ini, ka PM CARES Fund ha uni u snem da pynlait ko T. 201.58 klur wow chna ya ki 162 tylli ki Pressure Swing Adsorption (PSA) Medical Oxygen Generation Plants ha ki thaw sumaar ka sorkar ha kylleiñ ka ri.
I thong wow chna ya kini ki PSA Oxygen Generation Plants toh wow pynkhlan ya i rukom e sumaar.
Chooh chooh ki Liquid Medical Oxygen (LMO) daw man ko kam ka “Top Up” namo ka thaw wow yarap pyndap Oxygen neibynta ki thaw sumaar sorkar khamtam hei yakhun ya ka COVID-19.
