Na ki 57,371 ngut kiwa thoh ya ka Secondary School Leaving Certificate (SSLC), 2022 wa pynman da ka MBOSE, kiwa lait da em ki 32,678 ngut iwa man 56.96% iwa heh dooh ka Pass Percentage ha kini ki 5 snem.
Na kiwa yaleh kiwa boon dooh toh ha East Khasi Hills wa em 14,920 ngut wa ha West Garo Hills wa em 10,755 ngut wei ha kiwi ki District da em ki hapoh 5000 ngut katwa kiwa duna dooh toh ha Eastern West Khasi Hills wa em 1,849 ngut.
Na waroh kiwa lait, 34.26% toh na East Khasi Hills, 13.53% na West Garo Hills wa 10.86% na West Jaiñtia Hills.
Tangwa deiwa kheiñ won wa boon dooh kiwa lait na kiwa yaleh ha jar jiar ki District namo ka Pass Percentage, ka East Jaiñtia Hills da yoh ko iwa heh dooh ka Percentage iwa 82.36% iwa mut wa na ki 2012 ngut kiwa yaleh, kiwa Pass da em ki 1657. Ha West Jaiñtia Hills kiwa yaleh da em ki 4579 ngut katwa kiwa Pass da em ki 3549 ngut iwa mut 77.51% iwa man leh iwa ar wa heh dooh ka Percentage iwa pynbood da ka East Khasi Hills hei wa le kawa yoh 75.05% iwa mut wa na ki 14,920 ngut kiwa yaleh, kiwa Pass da em ki 11,197 ngut.
Kawa duna dooh ka Pass Percentage toh ha South West Garo Hills kawa yoh 26.45% heiwa na ki 4144 ngut kiwa yaleh, kiwa Pass da em ki 1096 ngut, wa ar da yoh ka South Garo Hills 31.63% heiwa kiwa Pass da em ki 897 ngut na ki 2836 ngut kiwa yaleh, ka North Garo Hills hei wa le kawa yoh 36.33% kawa em 1404 ngut kiwa Pass na 3865 ngut kiwa yaleh, hei wa soo da em ka North Garo Hills wa yoh 39.31% heiwa kiwa yaleh da em ki 3330 ngut katwa kiwa Pass da em ki 1309 ngut wei hei wa san da yoh ka West Garo Hills kawa yoh 41.10% iwa mut wa na ki 10,755 ngut kiwa yaleh, kiwa Pass da em ki 4420 ngut. Kamtæ ki 5 tylli ki District ka Garo Hills toh kiwa duna dooh ka Pass Percentage wei da em ki leh hapoh 50% ka Pass Percentage.
Kiwa man ST wa yaleh ya kani ka Exam da em 22,688 ngut ki chynrang wa 30,781 ngut ki kynthai heiwa ki chynrang wa Pass da em ki 52.49% katwa ki kynthai won 57.98%.
Ki SC da em 149 ngut ki chynrang wa 148 ngut ki kynthai heiwa ka Pass Percentage ki chynrang toh 74.50% katwa ki kynthai won 75.68%.
Ki OBC da em 165 ngut ki chynrang wa 209 ngut ki kynthai heiwa ka Pass Percentage ki chynrang da em ki 78.18% katwa ki kynthai won 69.86%.
Kiwa haap hapoh ka General Category won da em ki 1682 ngut ki chynrang wa 1549 ngut ki kynthai heiwa ka Pass Percentage ki chynrang da man ko 76.87% katwa ki kynthai won 72.89%.
Hawa kyruiñ cha ka Merit List, ka skur wa yoh nyngkong toh ka St. Paul’s Higher Secondary School, Marbisu wei da mih pyrtuid leh ki skur na Jowai kam ka North Liberty Higher Secondary School deilang waka Jaintia Secondary School katwa na East Jaiñtia Hills da mih i pyrtuid ka Scared Heart Secondary School, Byndihati. Kiwi de ki skur wa da lehbha da em ki na kiwa boon ki bynta ka jylla kam na Phulbari, Tura, Nongstoin, Bhaitbari wa Bhoirymbong wei kiwi kiwa boon toh kiwa na Shillong.
