Shillong: U DHS (MI) u Dr. A. War da pyntip u wa ynne ka sngi waroh kiwa dang yoh COVID-19 da em ki 59 ngut kiwa kynthup ya 54 ngut na East Khasi Hills kiwa 6 ngut ki BSF wa 48 ngut ki bru paidbah. Na East Jaiñtia Hills 4 ngut wa na West Jaiñtia 1.
Ki 4 ngut kiwa dang yoh ha East Jaiñtia toh kiwa yabi na u pulit wa wan na ri-loom Garo katwa ha West Jaiñtia toh wa liwan na Assam.
Ha East Khasi da em leh 41 ngut kiwa yabi na kiwa da dep yoh ya uni u khñiang katwa 13 ngut toh kiwa liwan na baar jylla.
20 ngut toh kiwa yabi na Mawpat Circle I wa III kiwa yabi na uwi wa man Positive ha NEIGRIHMS, 1 na Jaiaw Lumsyntiew wa 1 na Jaiaw Laitdom kiwa yabi na kiwa liwan na Assam. 2 ngut na Lower Nongrim kiwa yabi na uwa yah kari uwa da wan na kylleiñ kylleiñ, 1 Mawlai Umjaiur wa yabi naka Nurse ka NEIGRIHMS wa 4 ngut na Mawtawar ki wakreh hapoh Sub-Centre ka Health kiwa yabi na uwa yoh ha NEIGRIHMS, 1 wa na Bihar i khynnah wa dang 3 snem wa yabi na kitu kiwa wan bia na Bihar chwa ka Lockdown kiwa em ha Keating Road, 5 ngut na Lumawri kiwa yabi wa u wakreh ha GSI uwa em ha NEIGRIHMS wa chitom, 3 ngut na Pynthor Umkhrah wa liwan na Guwahati wa 3 ngut na Nongmynsong kiwa wan na Bihar, 3 ngut na Upper Mawprem wa Mawbah wa wan na Guwahati, 1 na Laitumkhrah wa liwan na Guwahati, 2 ngut na Sawlad wa Happy Valley kiwa liwan na Guwahati wa 1 na Oxford Laban wa wan na Guwahati.
Kiwa dang em ya u COVID-19 ha ki District man ki kamni ha wah:
East Khasi Hills-466 ngut kiwa kynthup ya BSF 286 ngut, kiwi ki bru paidbah 159 ngut wa 21 ngut na kiwi ki chnat chipai.
Ri Bhoi-41
West Jaiñtia Hills-9
East Jaiñtia Hills-8
West Garo Hills-15
South West Garo Hills-4
South Garo Hills-2
East Garo Hills-1
North Garo Hills-1
Waroh da poi 547 ngut kiwa dang em ya uni u khñiang, 94 ngut kiwa da chait wa 5 ngut kiwa yap iwa da poi waroh 646 ngut kiwa da dep yoh ya u COVID-19.
Ya ki Sample wa da dep phah Test da em ki 32783 tylli heiwa kiwa ym em chah ktah da em ki 31469 tylli wei dang yang yaka Result yong ki 668 ngut.
