Jowai: Ynne i step heipor chi waje ha i thaw sah ki 3rd MLP Battalion, Sahpsein, WJH uwi u pulit wa ksoh yei kyrdan Havildar watip kam u Litsingh Inghi da chah siat yap u ha u Lusen Sangma uwa man kam u Battalion Constable (BNC).
Ini da jia i ha kamra sah u Inghi wa em ha jrong dooh ka mala wa sah ki 3rd Battalion heiwa da psiah syndet u Sangma wei da siat u oo 6 kuli hadooh wa yap u.
Hadien ini da hiar u cha wah kani ka yung wei da siat won u sa 15 kuli wei da yut u na kani ka thaw deilang wa ka suloi u.
Yei ini da sakhi da ki arngut ki pulit wa emlang ha kamra u Inghi heipor wa jia ini.
Ki pulit dang thooh ki ya u Sangma hadooh wa pynmih ya kani ka khubor wei da kyntu ya ki paidbah wow man ki kiwa husiar wei wow pyntip ki cha ki pulit lada yoo ki ya uni u bru.
I dur yong oo toh ini wa emlang ha kani ka khubor.
Discussion about this post