Ki pulit ka Ri-Bhoi District da rah ki ya 6 ngut ki bru hajrong i chem ya u Bomb Improvised Explosive Device (IED) ha ka janmiet 11 tarik uni u bnai uwa da chem ha pchem yung u MLA warim, u Nehlang Lyngdoh iwa em hakhmat ka Meghalaya Rural Bank, Umsning.
U Symbood Montri Rangbah ka jylla uwa pait ya ka Kaam Pohyung (Police), u Prestone Tynsong hawa pyntip u hajrong i rah ki pulit ya 6 ngut ki bru wow takit, da ong u wa dang em chooh kiwi kiwa ki pulit daw rah ki yow takit wei ka takit dang lai ko chakhmat.
Da ong u wa neiliang ki pulit da takit bniah ki hajrong i kam ka Hynñiewtrep National Liberation Council (HNLC) wa ka wa lai booh ya utai u Bomb, wei da pynrap u wa ka sorkar ym e laad ko ya kam ini u jia i.
Hajrong i pynbaad yong ka HNLC wa i booh ya u Bomb IED toh kam ka dak wow pyrchah yei chah chet kylla ka jaitbru ha ki Politician baamsap wa ki Businessman kiwa e thaw rieh wei pynkup bor ya ki baar jylla, neiliang u Prestone da ong u wa ka HNLC toh u pynche ko wa ya kiwon kitæ kiwa na baar wa yoh yei yada, deiwa pynrap wa ki Politician næ kiwa mihkhmat paidbah toh kiwa ki paidbah chaniah ki hawa em i eh hei longbru manbru.
Discussion about this post