6 sngi phah kset ka yung bichaar ya uwa yahkhmat KSU wa chah kem heiyatoh wa iwa jia ha Ichamati

Ki dkhot ka KSU da lai synraan ki ya uwa yahkhmat ka CEC ka seiñ cha Kasari ynne i miet ha Shillong wei da wan e mynsien ya oo da ki para dkhot deiwa kbai ‘Maitshaphrang Khlur ka Ri’.

Ki pulit ynne ka sngi hadien wa kem ya uni uwa yahkhmat ka Khasi Student Union (KSU), da khana ki wa i pyrtuid u toh u Osternic Marbaniang (34 snem) wei da kem ya oo heiyatoh wa i chah tynyap u Ishan Singh wa u Sobir Dutta iwa da jia ha Ichamti ini wa dep wei da kem ya oo ynne na Jaiaw, Laitdom ha Shillong wei da li rah ya oo cha ka yung bichaar District Session Court ka East Khasi Hills.

Neiliang ka yung bichaar ynne hi i miet da pynmih ko yaka hukum wow phah kset hapoh patok ki pulit ya u Osternic neibynta ka 6 sngi yow takit chooh ya oo da ki pulit.

Katkam ka khubor wa da yoh, da kem ya uni uwa yahkhmat ka KSU heipor kamwa 3:00 waje i sngi wei da rah noh cha Sadar Police Station, hadien itæ da lai yah yow pait bniah da ki Doctor yei chait i khiah u wei da rah won cha hakhmat ka yung bichaar.

Related posts

Chah kem uwa kam ya idæ kam uwa kreh ka PMO yow kylli heiwon em ka jhaad INS Vikrant ka Indian Navy

May 14, 2025

Pynthymme ka Elaka Lakadong SA ya kiwa kitkaam

May 14, 2025

Heipor wa rah ya uni uwa yahkhmat ka KSU, da emlang leh kiwi ki dkhot ka seiñ kiwa da lai synraan ya yoo chadooh ka Kasari.

Chwa ini, da dep kem ya 4 ngut ki dkhot yong ka KSU hajrong i suba emkti wow pynyap ya ki baar jylla, heiwa 3 ngut da rah heiyatoh wa iwa jai ha thaaiñ Ichamati iwa da jia haka 27 tarik u Wisu (Mar) uni u snem wei sa uwi won da rah deiwa suba wa emkti hei pynyap ya uwa kreh mylla ha iwi u yung wa em ha Mawlai Mawroh Umsohkhlur, iwa da jia haka 10 tarik uni u bnai.