Ka yung krehkaam yong u District Child Protection Officer (DCPO), District Child Protection Unit, West Jaiñtia Hills District da pyntip u wa heiyatoh i khonboo kynthai iwa da chem ynnin ka 22 tarik wa da em wa noh ha rood sarok ha Krem Chohnoh wa em hajan ka Ummulong CHC heipor kamwa 3:40 i sngi, ini i khonboo katni da em i hapoh i pait ka District Child Protection Unit waka Child Welfare Committee, West Jaiñtia Hills District.
Kamtæ ka yung krehkaam u DCPO da pyntip u wa lada kiwon kiwon ki bru næ kiwa ha-yung ha-sem kiwa tip næ kiwa emyatoh wa ini i khonboo wow lai pyntip cha ka yung krehkaam yong ka District Child Protection Unit, Jowai deiwa Phone ha u Number-9774878343 næ ha ka Child Welfare Committee, Jowai ha u Number-9436566556 næ cha ka Specialized Adoption Agency, Jowai deiwa Phone ha u Number-6009972453.
Da e por wow wan chim ya ini i khonboo hapoh 60 sngi wei lada ym wan chimkti hapoh kini ki sngi, ya ini i khonboo daw pynbna katkam ka aiñ wa da ye kiwi wow wan chim ri noh ki.
