Jowai : Iwa ye u man ka sien wa nyngkong hapoh ka jylla Meghalaya ynnne ka sngi hei step ki 23 tylli ki skur wa em hapoh ka chnong Jowai da li saam ki kamwa 6000 tylli ki tre dieñ cha ki yung yong ki 22 tylli ki dong wa em hapoh Jowai iwa haap hapoh ka “One House one tree campaign.”
Ya ini i saam dieñ da leh da le ngut ki khynnah na kawi pa kawi ka skur wa em bynta ha kani kiwa da khut ya ki kam ki Green Volunteers.
Hadien ini i saam tre dieñ ki khynnah da yachem ki hapoh ka kamra Conference Hall ha ophis u DC ka WJH heiwa da yoh laad ki u pyntip lang yei wa chem heini i saam tre dieñ wei boon ong ki wa sniawhun bha ki yeiwa da yoh ki u leh yeini ynne ka sngi wei dang kwah chooh ki u leh boonsien lada yohlaad ki.
Ha kani ka sngi leh da yoh leh u puræ ya i pynsniaw ki paidbah na ki Feedback Form heiwa ki paidbah leh kyntu ki wa toh u leh man ki por yeini.
U DC ka WJH da kular u leh yow pynman chooh ya kam kani ka saam tre dieñ kam ha ki sngi wa ka pyrthai kynmoo warom ko kam ya u Kiang Nangbah, Mother’s Day wa kiwi kiwi.
Da e leh ya ki Certificate of Appreciation cha waroh ki khynnah wa embynta ha kani ka sngi.
Ini i saam tre dieñ man i kam chibynta ka lehkmen Environment Week kawa sdang nadooh ka 6 tarik wei daw pynkut ya ka mynstep ha District Library, Mynthong Jowai.
Da pynman ya kani ka Environment Week da ka Basin Development Unit, West Jaiñtia Hills District hei yakreh lang wa ka Jowai Municipal Board deilang wa ka Department of Forest & Environment.
Discussion about this post