Jowai: Ka Joint Action Committee on Indigineous People Economic Right (JACIPER) kawa man ka seiñ wa kynthup ya ki tre truck kiwa yah truck wa ki seiñbhalang kam ka JSU, KSU, AJSU waka HYC ynne ka sngi da kem ki 63 tylli ki truck ha 7mer wa kit mar na ki karkhana pynmih khyndaw bilat na ri-loom Jaiñtia neidaw wym bood ki yeiwa mynjur wow dam chwa wow kit mar ha ki 10 sngi wa da e por ka seiñ ya ki.
Kam wow pynkynmoo, ynnin ka sngi ka seiñ da dep yachem ko wa ki heh ka seiñ ki karkhana pynmih khyndaw bilat wa tip kam ka All Jaiñtia Cement Factory Association wow dawa na ki katkam ka aiñ wa i kit mar kamjooh wow pynhiar mar hapoh jylla toh u e cha ki tre jylla wei hap su ki katkam ka dor wa da booh ka sorkar iwa T. 1.25 Paise chi Quintal chi Kilometer. Wei lada ym ye ki u leh ya ini waroh ki truck wa kit mar na ki hap sangeh ki wei neiliang ka seiñ ki karkhana pynmih khyndaw bilat da paan por ki 10 sngi wow pynbait ya ini.
Ini i dawa ka JACIPER da ong wa toh katkam ka aiñ Motor Vehicle Act heiwa i dor da booh da ka aiñ wei kamjooh ki kari na baar jylla kiwa wan kamai du hapoh ka jylla hap yoh Trading License ki na ki District Council iwa ka seiñ da dep thoh ko cha ki District Council wym toh u e Trading License ya ki truck na baar jylla u leh ki ya ini.
Ynnin ka sngi leh ka seiñ da pynman ki ya ka yakhih wa jai jai ha khmat ki karkhana pynmih khyndaw bilat.
Hadien wa kem ya ki 63 tylli ki truck, ka seiñ da e kti ko ya ki kot ki sla cha ki bor ka aiñ wei da booh FIR ki leh pyrchah ya kini ki truck ha ki pulit ka Phramer.
Ki dkhot ka seiñ da ong ki wa daw pteiñ ki ya ini ha iwon iwon i por.
Discussion about this post