Ynne ka sngi da pynman ya ka Block Level Health Mela da ka yung krehkaam u District Medical & Health Officer, East Jaiñtia Hills District, Khliehriat kam chibynta yong ka “Azadi ka Amrit Mahotsav”.
Ha kani ka sngi u Arbor Hima Darnei, MDC Saipung Constituency da man u kam u kongsan hei emlang u Dr. Dominic Shylla, District Medical and Health Officer, East Jaiñtia Hills District, u Dr. R. Pyrtuh, Block Development Officer, Saipung C&RD Block, Dr. (Mrs) N.P. Suchiang, District Immunization Officer I/c, East Jaintia Hills District, Dr. W. Bamon, Sub-Divisional Medical & Health Officer, East Jaintia Hills District, Dr. K. War Laithma, ONG Gynaecologist wa Dr. N. Dhar, Dental Surgeon, Sutnga CHC.
U Arbor Hima Darnei, MDC da ong u wa ka Ayushman Bharat Block Level Health Mela da pynman ya ka katkam ka hukum ka Ministry of Health and Family Welfare, ka sorkar India hajrong ka thong wow e i chait i khiah wa pura ya ki paidbah.
U Dominic Shylla, da pyntip u wa kani ka Mela daw yarap ko wow e i sylli kamjooh ki dawai dei mynkna wa kiwi kiwi deiwa kyntu ta ki paidbah wow chim kabu ya kam kini ki Mela.
Ha kani ka sngi da booh leh ya ki dukan namo ki Stall wow thap pyrtuid (Register) ya kiwa yoh myntoi, ka NCD, ka TB Screening, i e tika COVID-19, ka Wellness Clinical Care wa kiwi kiwi kamjooh leh da pynyoorong ya ki mar-rep da ka yung krehkaam u Office of Food Safety, East Jaiñtia Hills District, Khliehriat wei da chimbynta leh da ka Punjab National Bank wow wai Bank Account ya ki bru samen.
Da em 630 ngut kiwa yoh myntoi na kani ka Mela kiwa da yoh yei sylli ha i chait i khiah, da em 203 tylli ki Digital/ Unique Health ID wa da chna wei da e leh ya ki tika yada COVID-19.
