67.36% kiwa yoh COVID-19 ha Meghalaya toh ha East Khasi Hills

Hadooh ynnin ka 29 tarik, 67.36% kiwa da dep yoh COVID-19 hapoh ka jylla Meghalaya toh kiwa ha East Khasi Hills District kiwa em 1538 ngut. Lada kheiñ won ya kiwa dang em ya uni u khñiang da em ki 38.98% kiwa em 890 ngut ha East Khasi iwa boon dooh na waroh ki District hapoh ka jylla, katwa ka District wa duna dooh wa yoh COVID-19 toh ha South West Khasi Hills kawa em 1 heiwa uni leh da chait u.  

Waroh kiwa da dep yoh COVID-19 hapoh ka jylla da em ki 2283 ngut deiwa kheiñlang ya kiwa dang em ya uni u khñiang, kiwa da chait wa kiwa da yap.

Haka 8 tarik uni u bnai, waroh kiwa dep yoh ya u COVID-19 da em ki 1023 ngut iwa da ku da 1260 ngut haki 21 sngi hadooh ynnin ka 29 tarik.

Kiwa chait hapoh ka jylla da em ki 45.33% kiwa em 1035 ngut katwa kiwa yap da em ki 0.43% kiwa em 10 ngut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka District wa duna dooh kiwa chait toh ha East Garo Hills kawa da chait 1 na ki 72 ngut kiwa yoh katwa ka South West Khasi Hills ym em de ko kiwa dang chah ktah ha u COVID-19 hadien wa da chait u samen uwa yoh ya uni u khñiang.

Kiwa da dep yoh COVID-19, kiwa da chait, kiwa dang em ya uni u khñiang wa kiwa da yap na uni u khñiang hapoh ki District man ki kamni ha wah hadooh ka 29 tarik uni u bnai:

1. East Khasi Hills-1538 (890 kiwa dang em ya uni u khñiang, kiwa chait 639 ngut wa 9 ngut kiwa yap).
2. West Garo Hills-355 (136 ngut kiwa dang em ya uni u khñiang, 218 ngut kiwa chait wa 1 wa yap)
3. Ri Bhoi District- 152 (52 ngut kiwa dang em ya uni u khñiang, 100 ngut kiwa chait)
4. East Garo Hills- 72 (71 ngut kiwa dang em ya uni u khñiang, 1 wa chait)
5. West Khasi Hills- 50 (44 ngut kiwa dang em ya uni u khñiang, 6 ngut kiwa da chait)
6. East Jaiñtia Hills- 36 (15 ngut kiwa dang em ya uni u khñiang, 21 ngut kiwa da chait)
7. West Jaiñtia Hills- 25 (2 ngut kiwa dang em ya uni u khñiang, 23 ngut wa da chait)
8. North Garo Hills- 20 (12 ngut kiwa dang em ya uni u khñiang, 8 ngut kiwa da chait)
9. South Garo Hills- 18 (13 ngut kiwa dang em ya uni u khñiang, 5 ngut kiwa da chait)
10. South West Garo Hills- 16 (3 ngut kiwa dang em ya uni u kñiang, 13 ngut kiwa chait)
11. South West Khasi Hills-1 (ym em wa dang em ya uni u khñiang, 1 wa chait).  

Ini toh katkam ka yukheiñ wa yoh naka National Health Mission, Health & Family Welfare Department, Government of Meghalaya.