U montri i chait i khiah ka jylla Nagaland u S Pangnyu Phom da pyntip u ynne i step wa em 69 ngut kiwa dang yoh COVID-19 iwa da pynpoi ya waroh kiwa yoh COVID-19 cha 280 ngut.
Kini ki 69 ngut toh kiwa 65 ngut na Peren Quarantine Centre, 3 ngut na Dimapur Quarantine Centre wa 1 na Zunheboto Quarantine Centre.
Kini waroh toh kiwa liwan na baar jylla.
Wa kini, waroh kiwa yoh COVID-19 ha Nagaland da em ki 280 ngut, kiwa dang em ya uni u khñiang da em ki 139 ngut katwa kiwa chait da em ki 141 ngut.
